കൈക്കോട്ടുകടവിന് 9 A+

പുനര്‍ മൂല്യനിര്‍ണയത്തിലൂടെ കൈക്കോട്ടുകടവ് സ്കൂളിന് എല്ലാവിഷയങ്ങള്‍ക്കും A+ കിട്ടിയ കുട്ടികളുടെ എണ്ണം ഒമ്പത് ആയി. പത്താംതരം Dയില്‍ പഠിച്ച മുഹമ്മദലി ഷിഹാബ് എ എന്നകുട്ടിക്കാണ് പുനര്‍ മൂല്യനിര്‍ണയത്തിലൂടെ മലയാളം രണ്ടാം പേപ്പറിനും A+ ലഭിച്ചത്. സ്കൂളിന്റെ ആശംസകള്‍ നേരുന്നു.

സ്വര്‍ണമെഡലുകള്‍ വിതരണം ചെയ്തു

കൈക്കോട്ടുകടവ് പൂക്കോയതങ്ങള്‍ സ്മാരക സ്കൂളില്‍ നടന്ന തൃക്കരിപ്പൂര്‍ ഗ്രാമപഞ്ചായത്ത് പ്രവേശനോത്സവവും സ്കൂളിലെ കഴിഞ്ഞ എസ് എസ് എല്‍ സി പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ വിദ്യാര്‍ത്ഥികള്‍ക്കുള്ള സ്വര്‍ണമെഡലുകള്‍ വിതരണവും  ചെയ്ത് . ചടങ്ങില്‍ സ്കു‌ൂള്‍ മാനേജര്‍ എസ്. കുഞ്ഞഹമ്മദ് അധ്യക്ഷത വഹിച്ചു. ഉന്നത വിജയികള്‍ക്കുള്ള സ്കൂള്‍ പി.ടി.എ കമ്മിറ്റി, സൗദി കെ എം ജെ കമ്മിറ്റി എന്നിവരുടെ സ്വര്‍ണമെഡലുകള്‍ യഥാക്രമം മുബഷിര്‍ ഷാന്‍.സി, മുഹമ്മദ് ശരീഫ്, നഫീസത്ത് എം ടി പി, നഫീസത്ത് എം പി, ആയിഷബി കെ, ഖദീജാബി എസ്, ഫര്‍ഹാന ടി, സലീമ സുല്‍ത്താന എന്നിവര്‍ക്ക് ജില്ലാ കളക്ടര്‍ വിതരണം ചെയ്തു. 

സ്‌കൂള്‍ കുട്ടികളെ വരവേല്‍ക്കാന്‍ പാട്ടൊരുങ്ങി

      School Praveshanolsavam 2015-16 - Circular

School Praveshanolsavam 2015-16 Song and Banner

          സ്‌കൂളുകളിലെ പ്രവേശനോത്സവത്തിന് സംസ്ഥാന വിദ്യാഭ്യാസ വകുപ്പ് ഒരുങ്ങുകയാണ്. ഉത്സവം കാണാന്‍ വരുന്ന കൗതുകത്തോടെയും ആകാംക്ഷയോടെയുമാകണം ഓരോ കുട്ടികളും സ്‌കൂളുകളിലെത്തിക്കാന്‍. അപ്പോള്‍ ഉത്സവം കാണാനെത്തിയ കുട്ടികളെ വരവേല്‍ക്കാന്‍ പാട്ടും വേണം. വെറുതെ അര്‍ത്ഥമില്ലാത്ത പാട്ടുകളല്ല, അക്ഷര വൃക്ഷത്തണലില്‍ ഉത്സവമായ് ഒത്തൊരുമിക്കാനും കളികളിലൂടെ കണക്ക് കൂട്ടാനും സന്ദേശം നല്‍കുന്ന ഗാനം സര്‍വ്വ ശിക്ഷ അഭായാന്റെ നിര്‍മ്മാണത്തില്‍ ഒരുങ്ങി കഴിഞ്ഞു.

SETIGAM- Maths Chapter II

പുതിയ എട്ടാം ക്ലാസ് പാഠപുസ്തകത്തിലെ രണ്ടാമത്തെ അധ്യായമായ സമവാക്യങ്ങള്‍ എന്ന പാഠഭാഗത്തെ ആസ്പദമാക്കി ശ്രീ പ്രമോദ് മൂര്‍ത്തി സാര്‍ തയ്യാറാക്കി നല്‍കിയ SETIGAM (Self Evaluation Tool In GAMBAS). പാഠപുസ്തകത്തിലെ പ്രവര്‍ത്തനങ്ങള്‍ കുട്ടികള്‍ക്ക് സ്വയം പരിശീലിക്കുന്നതിനും വിലയിരുത്തുന്നതിനും സഹായകമായ തരത്തിലാണ് ഇവ തയ്യാറാക്കിയിരിക്കുന്നത്. ഉബുണ്ടു 10.04-ല്‍ പ്രവര്‍ത്തിക്കുന്ന ഇവ താഴെതന്നിരിക്കുന്ന ലിങ്കില്‍ നിന്നും ‍ഡൗണ്‍ലോഡ് ചെയ്ത് കമ്പ്യൂട്ടറില്‍ സേവ് ചെയ്യുക. തുടര്‍ന്ന് സേവ് ചെയ്ത zip ഫയലിനെ റൈറ്റ് ക്ലിക്ക് ചെയ്ത് Extract ചെയ്യുക. ഇപ്രകാരം Unzip ചെയ്ത ഫയലില്‍ Double Click ചെയ്ത് ഇവ പ്രവര്‍ത്തിപ്പിക്കാവുന്നതാണ്. അഭിപ്രായങ്ങളും നിര്‍ദ്ദേശങ്ങളും കമന്റുകളായി നല്‍കുമല്ലോ.

Download SETIGAM From Here

HM PROMOTION GOVERNMENT SCHOOLS

കൈക്കോട്ട് കടവിന് ഇക്കുറിയും 100 ശതമാനം

കൈക്കോട്ട് കടവിന് ഇക്കുറിയും 100 ശതമാനം വിജയം. 8 പേര്‍ക്ക് എല്ലാ വിഷയത്തിനും A+ ലഭിച്ചു

SSLC 2015- REVALUATION/PHOTO COPY/SCRUTINY അപേക്ഷ ക്ഷണിച്ചു

ഇക്കഴിഞ്ഞ മാര്‍ച്ചില്‍ നടന്ന എസ് എസ് എല്‍ സി പരീക്ഷ എഴുതിയ വിദ്യാര്‍ഥികള്‍ക്ക് റീവാല്യുവേഷന്‍, ഫോട്ടോകോപ്പി , സ്ക്രൂട്ടിണി എന്നിവക്ക് അപേക്ഷ ക്ഷണിച്ചു. വിദ്യാര്‍ഥികള്‍ ഓണ്‍ലൈനായി ഏപ്രില്‍ 30 മുതല്‍ മെയ് 8-ന് ഉച്ചക്ക് ഒരുമണി വരെ അപേക്ഷിക്കാവുന്നതാണ്. അപേക്ഷാ ഫോമിന്റെ പ്രിന്റൗട്ട് ഫീസ് എന്നിവ സഹിതം എട്ടിന് ഉച്ചക്ക് രണ്ട് മണിക്കകം പരീക്ഷ എഴുതിയ കേന്ദ്രത്തിലെ പ്രധാനാധ്യാപകന് സമര്‍പ്പിക്കണം. റീവാല്യുവേഷന് പേപ്പര്‍ ഒന്നിന് 400 രൂപ ഫോട്ടോകോപ്പിക്ക് 200 രൂപ സ്ക്രൂട്ടിണിക്ക് 50 രൂപ എന്ന നിരക്കിലാണ് ഫീസ് നല്‍കേണ്ടത്. ഐ ടി പരീക്ഷക്ക് റീവാല്യുവേഷന്‍, ഫോട്ടോകോപ്പി , സ്ക്രൂട്ടിണി എന്നിവ ഉണ്ടായിരിക്കുന്നതല്ല. വിദ്യാര്‍ഥികളില്‍ നിന്നും ലഭിച്ച അപേക്ഷകള്‍ പ്രധാനാധ്യാകര്‍ ഓണ്‍ലൈനായി വേരിഫൈ ചെയ്യണം. ഫീസ് അടച്ചതിന് രസീത് നല്‍കുകയും വേണം. വേരിഫൈ ചെയ്തതിന് ശേഷം ലഭിക്കുന്ന മൂന്ന് പ്രിന്റൗട്ടുകള്‍ അന്ന് തന്നെ പ്രധാനാധ്യാപകര്‍ കൗണ്ടര്‍സൈന്‍ ചെയ്ത് ജില്ലാ വിദ്യാഭ്യാസ ഓഫീസര്‍ക്ക് സമര്‍പ്പിക്കണം.

 സ്കൂള്‍ തലത്തില്‍ ചെയ്യേണ്ട പ്രവര്‍ത്തനങ്ങള്‍

1. വിദ്യാര്‍ഥികള്‍ ഓണ്‍ലൈനായി സമര്‍പ്പിക്കുന്ന അപേക്ഷകളുടെ പ്രിന്റൗട്ട് , ഫീസ് എന്നിവ മെയ് എട്ടിന് രണ്ട് മണി വരെ സ്വീകരിക്കാവുന്നതാണ്. ഫീസ് സ്വീകരിച്ചതിന് രസീത് നല്‍കണം
2. ലഭിച്ച പ്രിന്റൗട്ടുകള്‍ ഓണ്‍ലൈനായി വേരിഫൈ ചെയ്യണം.
3. ഓണ്‍ലൈന്‍ രജിസ്ട്രേഷന്‍ പൂര്‍ത്തിയാകുന്ന അന്നു തന്നെ(മെയ് എട്ട്) വേരിഫിക്കേഷനും പൂര്‍ത്തീകരിച്ച് ലഭിക്കുന്ന മൂന്ന് പ്രിന്റൗട്ടുകള്‍ കൗണ്ടര്‍സൈന്‍ ചെയ്ത് വെകുന്നേരം അഞ്ച് മണിക്കകം DEO-യില്‍ സമര്‍പ്പിക്കണം.പ്രിന്റൗട്ടുകള്‍ സ്കൂളുകളില്‍ സൂക്ഷിച്ചാല്‍ മതി
4. ഗ്രേഡുകളില്‍ മാറ്റം വന്നാല്‍ തുക തിരികെ നല്‍കേണ്ടതാണ്. ലഭിച്ച ഫീസിന്റെയും തിരികെ നല്‍കിയതിന്റെയും വിശദാംശങ്ങള്‍ രജിസ്റ്ററിലാക്കി സൂക്ഷിക്കണം
5. തിരികെ നല്‍കിയതിന് ശേഷമുള്ള തുക പ്രധാനാധ്യാപകര്‍ 0202-01-102-99 other receipts എന്ന Head of Account-ല്‍ ജൂണ്‍ 30-നകം  ചെല്ലാന്‍ സഹിതം ട്രഷറിയില്‍അടക്കണം. ചെല്ലാന്റെ ഫോട്ടോകോപ്പിയും സര്‍ക്കുലറില്‍ തന്നിരിക്കുന്ന സ്റ്റേറ്റ്മെന്റും സഹിതം രജിസ്റ്റേര്‍ഡ് പോസ്റ്റായി ' സൂപ്രണ്ട്, എ സെക്ഷന്‍, പരീക്ഷാഭവന്‍, പൂജപ്പുര, തിരുവനന്തപുരം 12' എന്ന വിലാസത്തില്‍ അയച്ച് നല്‍കണം
6. സ്കൂള്‍ ആയി പരീക്ഷാഭവന്‍ സൈറ്റില്‍ User Name , Password ഇവ നല്‍കി ലോഗിന്‍ ചെയ്യുമ്പോള്‍ ലഭിക്കുന്ന ജാലകത്തില്‍ ഇടത് വശത്തുള്ള Revaluation എന്നതിന് നേരെയുള്ള + ബട്ടണ്‍ അമര്‍ത്തുമ്പോള്‍ Revaluation Verification എന്ന ലിങ്ക് ലഭിക്കും ഈ ലിങ്ക് ഉപയോഗിച്ചാണ് പ്രധാനാധ്യാപകര്‍ Verification പൂര്‍ത്തീകരിക്കേണ്ടത്

SSLC 2015 REVALUATION/PHOTOCOPY/SCRUTINY ലിങ്കുകള്‍